مالهاش لزمة يا شيخ

مالهاش لزمة يا شيخ

محمد فتحي

عبارة سمعتها كثيرا - خصوصا عند صيانة السيارة او الاجهزة المنزلية ، ولكن من اكثر ما غاظنى منها هذا الموقف

.........

عندما كنت اقوم بصيانة مؤشر البنزين - الواد الميكانيكى اخرج العوامة من التانك ، وفك العوامة ورمى قطعة بلاستيكية على جنب - وبعد الانتهاء من صيانة العوامة - بدء فى تركيبها مرة اخرى
وبعد الانتهاء من التركيب - اكتشفت انه لم يركب القطعة البلاستيكة - فقلت له : دى لسه ما ركبتش - قالى : دى مالهاش لزمه يا شيييييييييخ

وبما ان دى شغلته وهو اعلم بها منى فقلت خلاص مالهاش لزمه
وركبت العربية واكتشفت ان مؤشر البنزين اشتغل فعلا لكنه بيرعش باستمرار
وعرفت ان كان لها لزمه
وان البنى ادمين اللى كلفوا نفسهم فلوس عشان يضيفوا القطعة البلاستيكية دى مش اغبية
واكيد ضايفنها لحكمة ، والا كانوا وفروا على نفسهم الفلوس دى طالما مالهاش لزمة

------------------------------
الموقف التانى
---------------

عندى فرن كهربائى ويت ويل - الباب بتاع الفرن اصبح مابيقفلش مما يؤدى الى عدم احتباس الحرارة داخل الفرن

اتصلت بالتوكيل - قلت بدل ما اوديه لصنايعى - اجيب الناس بتوعه هم اعلم به من اى حد

وفعلا جه مندوب الصيانة
وفتح الفرن - واخرج سوستة وقطعة بلاستيكية بردوا - وظبط السوسته وركبها وقفل الفرن ولم يركب القطعة البلاستيكية
فقلت له : دى ما ركبتش ليه ؟ قالى : دى مالهاش لزمه يا شيخ
وبعد ما انصرف
جيت اقفل باب الفرن
لقيت الباب بيقفل بقوة - بيترزع يعنى - مع ان قبل كده كان الباب لما بيقفل كان بيفرمل قبل ما يوصل لجدار الفرن ب 1 سم مثلا
دلوقتى لالالالا
بقى بيققل رزع
وعرفت ان القطعة البلاستيكية كان لها لزمه
وده كمان مندوب صيانة الشركة - يعنى لو ودتها لصانيعى بره كان رمى الفرن كله وقالى مالوش لزمه يا شيخ ههههههه

---------------------------

الموقف الثالث

---------------

حصل مع احد الاقارب منذ عدة سنوات
اشترى عربية زستافا مستعمله واول ما راح بيها لميكانيكى اول حاجة عملها الميكانيكى شال قطعة صفيح ورماها
قريبى بيساله ايه دى ؟ قاله مالهاش لزمه يا هندسة
المهم العربية الزستافا بتسخن جدااااا
فبعد فترة
احد الزملاء فى العمل بيقول لقريبى ده : انا جبت لبنتى عربية زستافا
قاله : حرام عليك دى بتسخن جداااااااا
رد الزميل وقاله : لا طبعا مش بتسخن ولا حاجة ، دا عملين قطعة صاج بتنقل الحرارة من الموتور الى خارج العربية واللى فى العربية ما بيحسش باى سخونه خالص بسبب قطعة الصاج دى
ههههههههههههه
عرفتوا بقى ايه لزمتها
يعنى الناس اللى صعنوا العربية مش هبل عشان يحطوا صاج ويكلفوا نفسهم عشان حاجة مالهاش لزمة

-------------

طبعا احنا اللى تفكيرنا اصبح مالوش لزمه
لو صدقنا ان الناس دى بتحط حاجة مالهاش لزمه

وجزاكم الله خيرا
واسف على الاطالة
ولكن الموضوع ده حصلى مرتين فى شهر واحد - فحرق دمي