أختي الدكتورة

سامحينا يا أختي الدكتورة..

أصلك مش منتخب الكورة..

ولاعمورة ولاتمورة....

ولا بتغني للشحرورة..

ولا ليكي كليب ومشهورة..

ولا شعرك باين ف الصورة..

يكفيكي الدعوة المستورة..

من ناس محروقة ومقهورة..

أما عن الدولة المعمورة..

لو نشرت نعي دي مشكورة..

لو سكتت طبعا معذورة..

بسلامها ضعيفة ومكسورة..

ويامصري كرامتك مهدورة..

وحقوقك دايما منكورة..

معلش يا أختي الدكتورة..

يكفيكي الدعوة المستورة..

بدموع حزنانة ومقهورة